Mäntig morgä, 7ni-zug, sie redt vo mannä & so
Lachäd luut durs abteil, mit däm latte to go
Er korrigiert hefter ufäm heiweg & er starrt mit ernschter minä
Bis är gnüsslich bitzli nippt am kafi crème zum mitnäh
Ihres neuä chleid strahlt, sie gaht is kino mim flo
Zerscht no an see mit dä gabi & frappuchino to go
Er schlüsst sis velo ab, hebt sis natel lässig as ohr
Seit: schatz, ich chumä grad hol nur no äs espresso to go
Äs isch ok mit mim coffee to go, coffee coffee to go, coffee coffee to go
Läck, isch's ok mit mim coffee to go, coffee coffee coffe coffee coffee to go
Dä ganz tag ohni chind id stadt durd gasse & so
Mit dä angi & mä latte machiatto to go
Är schwätzt mit allne i dä bar, är isch locker mit wort
Bliibt bis zletscht, staht dänn uf & nimmt än doppio to go
Sie hät das alles nöd so gmeint, aber halt di falschä wort brucht
Lauft dur dä wintermorgä, ganz verbrüällät über d'dorfbrugg
Sie stampft in schnee schwört sie bringt das wieder i.o.
Wärmt sich d'händ & ihres härz am cappuchino to go
