Karayunno Puzha

കരയുന്നോ പുഴ ചിരിക്കുന്നോ

കരയുന്നോ പുഴ ചിരിക്കുന്നോ

കണ്ണീരുമൊലിപ്പിച്ചു കൈവഴികൾ പിരിയുമ്പോൾ

കരയുന്നോ പുഴ ചിരിക്കുന്നോ

കരയുന്നോ പുഴ ചിരിക്കുന്നോ

ഒരുമിച്ചുചേർന്നുള്ള കരളുകൾ വേർപെടുമ്പോൾ

മുറുകുന്നോ ബന്ധം അഴിയുന്നോ

മുറുകുന്നോ ബന്ധം അഴിയുന്നോ

കരയുന്നോ പുഴ ചിരിക്കുന്നോ

കരയുന്നോ പുഴ ചിരിക്കുന്നോ

കദനത്താൽ തേങ്ങുന്ന ഹൃദയവുമായി

കരകളിൽ തല തല്ലും ഓളങ്ങളേ

കദനത്താൽ തേങ്ങുന്ന ഹൃദയവുമായി

കരകളിൽ തല തല്ലും ഓളങ്ങളേ

തീരത്തിനറിയില്ല മാനത്തിനറിയില്ല

തീരാത്ത നിങ്ങളുടെ വേദനകൾ

തീരാത്ത നിങ്ങളുടെ വേദനകൾ

കരയുന്നോ പുഴ ചിരിക്കുന്നോ

കരയുന്നോ പുഴ ചിരിക്കുന്നോ

മറക്കാൻ പറയാനെന്തെളുപ്പം മണ്ണിൽ

പിറക്കാതിരിക്കലാണതിലെളുപ്പം

മറക്കാൻ പറയാനെന്തെളുപ്പം മണ്ണിൽ

പിറക്കാതിരിക്കലാണതിലെളുപ്പം

മറവിതൻ മാറിടത്തിൽ മയങ്ങാൻ കിടന്നാലും

ഓർമ്മകൾ ഓടിയെത്തി ഉണർത്തിടുന്നു

കരയുന്നോ പുഴ ചിരിക്കുന്നോ

കരയുന്നോ പുഴ ചിരിക്കുന്നോ

കണ്ണീരുമൊലിപ്പിച്ചു കൈവഴികൾ പിരിയുമ്പോൾ

കരയുന്നോ പുഴ ചിരിക്കുന്നോ

കരയുന്നോ പുഴ ചിരിക്കുന്നോ