Kalendaryo

Kahapon na ngayon, bilis ng pahanon

Wala, nagkaroon, bago na'ng taon

Iba't iba ang uso, hapit na pantalon

'Pag Araw na ng Puso, ang pana ay baon

Hindi ako nag-aral, bawal ang sumuko

'Pag internet mabagal, nag-aalboroto

Bigla na lang uminit, tayo'y maglangoy

Gawa tayo ng bonfire, malaking apoy

Punta ka sa gubat, akyat sa bundok

Higupin mo ang ulap 'pag naabot mo'ng tuktok

Sa araw na ito, naloko din kita

Bakit ka nandito? Sino'ng nag-imbita?

Dami ng pagkaing nakahain sa mesa

Mas maingay pa kami sa perya sa piyesta

Grabe sa pagod, tara, magpahinga

At huwag makalimutang 'pasalamat sa Ama

Tapos na ang umaga, lumipas ang tanghali

Sa oras ng hapunan, dumungaw na ang buwan

Tapos na ang umaga, lumipas ang tanghali

Sa oras ng hapunan, dumungaw na ang buwan

Umpisa ng pasok, tapos ang bakasyon

Hanap kalayaan ang tanging ambisyon

Pasok ka sa bahay, iwas sa ambon

Pag-iyak ng ulap, may halong emosyon

Respeto ko sa 'yo at sa 'yong relihiyon

Dahil sa sakripisyo, nasa langit ka ngayon

Huwag mong pilitin kung ayaw sumabay

Ako ay buhay sa Araw ng Patay

Pakinggan mo ang musika, kalat mga tao

Tanging nasa isip kung magkano'ng pangregalo

Oras na isulat mo ang gustong pagbabago

Ipaglaban mong mangyari't pagtupad ng mga plano

Tapos na ang umaga, lumipas ang tanghali

Sa oras ng hapunan, dumungaw na ang buwan

Tapos na ang umaga, lumipas ang tanghali

Sa oras ng hapunan, dumungaw na ang buwan