Drwy y Bwlch

Wrth wylio'r sêr

mae un fwy disglair,

yn sibrwd trwy'r du a dweud

Fod popeth ti'n weld

yn gam mewn grisiau,

a'r gair yn yr inc sy'n wir.

Ac er bod hi'n rhy hwyr

i ddoe ddod nôl yn llwyr.

Dwi'n teimlo fod darn mawr o'r lluniau

yn cuddio tu ôl i'r paent

Fod popeth dwi erioed wedi'i gydio

yn dywod gwlyb yn yr haul.

Ac er bod hi'n rhy hwyr

i ddoe ddod nôl yn llwyr.

Drwy y bwlch rhwng ffiniau dibendraw

dwi'n gweld llygedyn o obaith.

Os daw gwynt i lenwi'n hwyliau ni

mi gawn ni flas o fel oedd hi o'r blaen.

Dwi'n rhedeg yn gynt

na mae'n nhraed i yn caniatàu i mi wneud.

Dwi'n siarad mwy o eiriau

na mae fy nghêg i yn ddweud.

Ac er bod hi'n rhy hwyr

i ddoe ddod nôl yn llwyr.

Drwy y bwlch rhwng ffiniau dibendraw

dwi'n gweld llygedyn o obaith.

Os daw gwynt i lenwi'n hwyliau ni

mi gawn ni flas o fel oedd hi o'r blaen.