Fakkarni

Stenbaħt f’nofsinhar

X’ġara ma niftakarx

Kolazzjon jiena żgur ma niħux.

Qomt ftit hekk, konfuż,

Birra mas-sebħ tal-jum,

Il-vista bdiet tiċċara ftit,

Insaqsi, ‘din min hi?’

Kif ftaħt il-midja soċjali,

Memorja abbandunatni

‘likes’, kummenti ta’ nies li qatt ma rajt.

Inħares madwari,

Le din żgur mhux kamarti

Xi ħadd sejjaħli,

Dan il-leħen qatt ma smajt!

Ħu paċenzja fakkarni ftit,

Il-ħwejjeġ tiegħi ma nistax insib.

Kif qiegħed hawn ser nistaqsik,

Fakkarni x’jismek waħda, tridx?

Żaqqi balla dardir,

Memorji kollha mċajprin,

Fliexken vojta kullimkien

U għadni ma nafx int min int!

Għidli x’ġara mal-ħin

Ritratti ta’ ma nafx min,

Spjegali ftit!

Għalfejn ħassejt dan l-uġigħ?

Bħal xejn dħalt ġo balla inkwiet?

U fi x’ħin tlaqna lejn id-dar?

X’ġara lbieraħ jien ma niftakarx!