Jo Mere Ghar Kabhi Nahin Aayenge

Jo mere ghar kabhi nahin aayenge

Main unse milne unke paas chalaa jaunga

Ek ufanti hui nadi nahin aayegi mere ghar

Nadi ke jaise logon se milne jaunga

Kuch tairoonga kuch doob jaunga

Pahaad teele chattanein talaab

Asankhya pedh khet kabhi nahin aayenge mere ghar

Khet khalihanon jaise logon se milne gaon gaon jungal galiyaan

Main jaungaa

Main fursat se nahin, unse ek zaroori kaam kii tarah

Milta rahunga

Au rise main apni akeli aakhiri icchha kii tarah

Sabse pehli icchha rakhna chahunga…