溝仔墘

火車迵過了磅空

 心肝已經飛過山頭

 親像鼻著海水的鹹瞻

 風微微仔吹 吹入咱的眠夢

 城市的日子 毋知影當時才會慣勢

 耍水的所在嘛真歹揣

 逐工阮攏照起工拍拚

 煞愈來愈濟 煩惱佮思念 

 心內的願望 雄雄翻湧

 今仔日我來煮食 講一个故事

 白翎鷥 車畚箕

 車到溝仔墘 

 西北雨落袂過田岸 

 偌濟樹仔夆當作糞埽

 甘願做戇人 希望你了解

 有閒較捷轉來 看遮的變化

 阮攏是土地的囡仔

 伊嘛需要咱好好仔照顧

 心內的願望 雄雄翻湧

 相信有一工 會看著遮的變化

 白翎鷥 車畚箕