Aai Aai Meraai

Het jy al gehoor van die storie

van Antjie en haar eggenoot

en die vuisslanery by Hoekombaai

waar die hare soms kon waai

Die liefdesdriehoek het daar begin

sonder dat Antjie dit kon raai

Piet was darem tog die prokureur

maar die tikster was Meraai

Aai Aai Meraai

die tikster van Hoekomnbaai

Aai Aai Aai Meraai

haar liefde het haar verraai

Wel Piet was ryk en het 'n sportkar gehad

en meisies het kamtig kom vra om raad

Antjie het haar kans geduldig afgewag

om hom net één maal op heterdaad te trap

En een aand terwyl die skemer daal

Piet was laat, glo werk om in te haal

het Antjie besluit om 'n draaitjie te gaan ry

en toe vang sy Piet en Meraai aan die vry

Meraai en Piet was sprakeloos

Antjie was regtig baie boos

toe dam sy maar die tweetjies by

'n opstopper kon jy nérens beter kry

Antjie is toe weg sak en pak

Meraai sit vandag nog op die rak

Piet is alleen, hy's afgedank

hy slaap op 'n bank in Joubertpark