Video Musik
Video Musik
Dari
PERFORMING ARTISTS
Paolo Marino
Performer
COMPOSITION & LYRICS
Paolo Marino
Composer
Dany D'Amico
Composer
Rocco Tassone
Lyrics
PRODUCTION & ENGINEERING
Dany D'Amico
Producer
Lirik
Mi giru e mi riggiru nta lu lettu
Si m'addormentu mi risbigghiu i scattu
Pensandu ssu to sguardu e ssu to pettu
Di quantu si ngarbata vegnu mattu
Di quantu si ngarbata eu vegnu mattu
Partia di la provincia di Cusenza
Ca non mi spagnu di sta luntananza
Eu d'amuri pe ttia non restu senza
Cchiù strata fazzu e cchiù l'amuri avanza
Cchiù strata fazzu e cchiù l'amuri avanza
Ora di tia sugnu nnamuratu
Nta jionica eu vajiu avanti e arretu
Ma si ffinisciu nta nu scalipatu
A curpa non è tua e ti lu ripetu
A curpa non è tua e ti lu ripetu
S'incasu nd'incuntramu ccocchi sira
Poi si ripeti e nd'incuntramu ancora
Notti d'incantu e cori chi suspira
Na coppia i palumbelli chi sa vola
Na coppia i palumbelli chi sa vola
Vorria mu nesciu ppe na passijiata
Mu vijiu si s'affaccia la me zzita
E canticchiandu u vajiu strata strata
Dicendu che è l'amuri da me vita
Dicendu che è l'amuri da me vita
E quandu nesci cu la sua suttana
Mu bivera i so grasti ogni matina
Ogni cori malatu si rrisana
Comu si vidi a Vergini Divina
Comu si vidi a Vergini Divina
Mi mettu a lavurari i fantasia
Si troppu bella e pensu sempri a ttia
E fazzu i tuttu pemmu tu lu sai
CCu ssi bellizzi toi quantu mi attrai
Ccu ssi bellizzi toi quantu mi attrai
È la cchiù bella di tutti li belli
È la regina di tutti li stilli
Quandu saluta chi so modi belli
Eu sentu chi m'arrizzanu i capilli
Eu sentu chi m'arrizzanu i capilli
Bella senza di tia eu mi disperu
Certu non vinni mu ti disonoru
Ma vinni ca ti vogghiu peddaveru
E stari assemi a ttia finu a cchi moru
E stari assemi a ttia finu a cchi moru
Written by: Dany D'Amico, Paolo Marino, Rocco Tassone
