Eh ois

Die Welt lauft lila oa,

es is a gouda Moang i

denk ma a Liedl as

woud d’Gockl iber d’Wiesn kraahn

und wenn da da Tau dann tropft zu Boden

san d’Wolken ungeheuer oben

Ach sua schey weiß scheint d’Sunna eina

dass d’Storl juchizen und greina

Und in da zwoatn Strophn

sitzt a alte Frau am Ofen

d’Katz liegt unterm Uafaroua

drammt vo einem Modara im Wold

A kloine graue Kroua kraaht durch d’Nacht

a kloins Kind lacht

A Bou der singt a Liedl ibers Lem

und des geht so

Es is ja eh ois

eh ois

asua weys hoid is

Is ja eh ois

eh ois

Aber nix is ned gwies

Schau wey da Graupelschauer rauscht

As aran Heisl schnaubt da Rauch

Ja wenn da alte Dog verstaubt

Versinkt die ganze Welt in Blau

Mummt se ei

Dausend Viagl fleyng vorbei

Und as Bachl rauscht im Rausch

Es rauscht im Rausch

Laub und Bladla lieng im Bouchenwold

Die Baam stenga sua grouß und old

Da Mou der scheint beim Fenster ei

und d’Mutter schaut ’n oa

Und dann hertma no

da Nachtigall ihr Liedl in da Frey

und a Depp hockt auf da Wiesn

bei de Key

Es is ja eh ois

eh ois

asuaweys hoid is

Is ja eh ois

eh ois

Aber nix is ned gwies