Frei

Um mi rum ois rot und es wumpert und bumpert dahi

Ois is warm und weich und rund und i dram vor mi hi

Moi orange moi schwarz moi nix

moi a Stimm de neugierig fragt

Dann spür i dass was gscheng is weil auf oamoi ois so eng is

I muaß naus

Frei

auf oamoi frei

Nix dabei

Ois is nei

Cosi Cosei dass Du Di gfreist

Für mi is ois nei

Um mi rum is a Käfig aber wie ein Käfig kimmt ma des ned vor

As Wasser frisch Essen am Tisch und a Spiegel an ner roten Schnur

I schau wia i schau schau in mi nei zfriedner kannt i ned sei

Dann kimmst Du in mein Königreich

a Hand voi Schwammerl dabei

Und nachm Schwammerlessen hamma dann den Käfig gfressn

Frei

auf oamoi frei

Nix dabei

ois is nei

Cosi Cosei dass des ned für immer so bleibt

Für mi is ois nei

Um mi rum ois erlebt aber jetzt bin i miad

Den Film kenn i scho aber i hab vergessn

was am Schluss passiert

Mir werd´s eng as Herz mag nimmer schlagen jetzt is Zeit

Frei

jetzt bin i frei

I hob nix dabei ois is nei

Cosi Cosei

dass nix von mir übrig bleibt

Zum Frühstück gibt´s Raum und Zeit

Schmeiß mein Huad nei in Bach

Spring eam glei selber nach

weil mi mei oida Schatz gar nimmer mag