Talugading Ti Amianan

Kas iti isisingising ti init ti daya

Mangted naraniag a namnama

Mangparayray iti biag

Gubuayan ti kinaregta

Mangted bileg iti kinatao

Mangpatadem kadagiti talento

Intukit dagiti nagannak tayo

Tinenneb dagiti mangisursuro

Talugading ti amianan

Kasdaaw ti biag ipakita

Inka man

Agarte, Sumala, Kumanta

Ragsak inkami ipaay toy daga a nagtaudan

Ado pay a banag ti maamwan

Manipud iti sursurot kapadasan

Mangipakitat gatad

Lak-am naggapo iti rigat

Panagyaman, haan mi lipaten

Kababalin ken laing inkam ragpaten

Rambakan ti naisangsangayan

Ti laing nga naingundawayan

Talugading ti amianan

Tan-ok a napnuan iti yaman

Inka man

Agpinta, Kumodak, Agsurat

Maris iti biag inkami ipaay nga ipalasat

Artista ti amianan, dakami ken dakayo

Naimparaburan ti talento

Nagpintas a buya, inta man ngarud ipinta

Bituen agpakita a mangrayray kenka

Talugading ti amianan

Kasdaaw ti biag ipakita

Inka man

Sidadaig, agparabor ti talento

Ragsak ken maris iti biag ket inkaminto

Itandudo

Itag-ay min to ti kultura ken talento't Ilocano