Nimm was gloubsch

Nimm das wo de gloubsch u häb das fescht

Zersch e Wirtschaftskrise när chunt d Pescht

Zersch chunt z Frässe när d Morau nach Brecht

Denn nimm das wo de gloubsch und häb das fescht

Wirds schwierig chrüüche si us ihrne Löcher

Cho eifachi Lösige verspräche

Si nenne sech Experte u sogar Dökter

Wo aune angre Dökter wiederspräche

Mir aui müesse dür dä düschter Waud

Und gseh gad nüm wo düre aus isch grau

U plötzlech steit dert sone Märit-Stand

Mit knaubunte Frücht gäg di Verstand

Denn nimm das wo de gloubsch u häb das fescht

Wüu geng wes schwierig wird de chunt der Tescht

Haubwahrheite spreade wine Pescht

Mir funktioniere angers unger Stress

Denn nimm das wo de gloubsch u häb das fescht

Nimm das wo de gloubsch u häb das fescht

Wüu eigentlech isch eifach aus ganz eifach

Wi d Wäut u d Gseuschaft louft isch nid so eifach

We sech en auerwäuts Erklärig breitmacht

De ischs äue eifach irgendwie chli z eifach

Wenn öpper nur erklärt u nie tuet Frage steue

De het di ganzi sach scho mau e Haage

Bim verzeue isch das Risiko dass aus nur nachegaaget

Und dä irgendwie verlore z hingerfrage het

Warum i das so säge trotz beängschtigende

Verschwörige mit sehr bruune Tendänze

Das cha mi no so wit a Rand vor Ärde drücke

Jede Mönsch isch inne guet das gloubi würklech

Und i nime wasi gloub und häb das fescht

Wüu geng wes schwierig wird de chunt der Tescht

Haubwahrheite spreade wine Pescht

Mir funktioniere angers unger Stress

Denn nimm das wo de gloubsch u häb das fescht

E Dschungu us millione Manifescht

Az Guete gloube das isch üse Tescht

Az Schlächte gloube das isch üsi Pescht

Nimm das wo de gloubsch und häb das fescht

Nimm das wo de gloubsch und häb das fescht

Nimm das wo de gloubsch und häb das fescht