Siyakudumisa

Siyakudumisa thixo

Siyakuvuma ukuba unguye uYehova

Umhlaba wonke ubhedesha wena

Uyise ongunaphakade

Zonke iingelosi zimemeza kuwe

Kwanezulu nawo oke amandla kulo

IKherobhime neSerafime

Zimana zimemeza kuwe

Uyingcwele, uyingcwele, uyingcwele

Yehova Thizo wemikhosi

Izulu lizele kwanomhlaba

Bubukhulu bobungcwalisa bakho

Umhlambi wobungcwalisa wabapostile

Uyakudumisa

Amakholwa nabahle abaprofeti

Ayakudumisa

Umkhosi odumileyo wabafele wena

Uyakudumisa

Irhament'engcwele kulo lonke ilizwe

Iyakuvuma

Uyise obukhulu bungenambhaliso

Unyana wakho emnye

Odumileyo, oyinene

Kwanomoya oyingcwele umonwabisi

Ungukumkani wobungcwalisa, wena Krestu

Wena ungunyana ongunaphakade woyihlo

Uthe wakuba wakuba wokonyula umsebenzi wokusindisa abantu

Akwasidela isizalo sentombi

Uthe wakuba woyisile ubukhali bokufa

Wavulela bonke abakholwayo

Ubukumkani bezulu

Wena uhleli ngase kunene kuThixo

Ebungcwaliseni boyihlo

Siyakholwa ukuba woza

Ube ngumgwebi wethu

Siyakuthandaza ngoko siza izicaka zakho

Ozithenge ngegazi lakho elinqabileyo

Zenze ukuba zibalwe ndawonye nabangcwele bakho

Ebungcwalisweni obungunaphakade

Nkosi sindis'abantu bakho

Uthamsanqelise ilifa lakho

Baphathe ubaphakamise

Kude kube ngunaphakade

Thina imihla ngemihla

Sikwenza mkhulu wena

Sihlala sibhedesha igama lakho

Kude kube ngunaphakade

Sincede Nkosi

Usilondoloze ngalemini, singabi nasono

Nkosi zusiphathe ngetarhu

Zusiphathe ngetarhu

Nkos'itarhu lakho malihle phezu kwethu

Njengoba ithemba lethu likuwe

Nkosi ndithembe wena

Mandingaze ndidaniswe