Manya

Gangar kiɗan na manuyan mata ne

Sannan batun da zan na iyaye ne

Breaker akwati mai zance ne

In ji Faruku Medium na sarkin waƙa

Ya Allah dafa mini ka san ba za na iya ba

Ya mai iko kai ke kyauta da ba ka karɓa

Ya sarkin mulki ba ni yau na zazzaga zance

Yau wakar ta iyayen da ba su yin rowa ce

Maʼana ta iyayen amarya kun ji ƙarshen zance

Masu kyautar ʼya in na yo kuma hadiyya ce

Ya Rabbi ka ninka salatin Ɗaha ƙarshen ƙarshe

Sidi gatan kowa ka ji farkon tushe

Ya kafa musulunci sonsa ne kawai dacewa

Maman amarya fito na ba ki babbar ganga

Kin san dole na mi ki taho da takun burga

Maman amarya fito na ba ki babbar ganga

Kin san dole na mi ki taho da takun burga

Kin kai a yaba miki uwar da ba kushewa

Mamana a gun biki nake dubawa

Na ganta a zaune a rai na in ji tana haskawa

Idan na tuno ta haifi ʼyar ta za su rabewa

Sai in ji tausayi na mama ya kama ni

Ku tuna daukar ciki da haihuwa sai mama

Ku tuna raino, zama ji,in uwa sai mama

Ku tuna juyi, kiriniyar ɗiya sai mama

Mama sannunki a jinjinawa mai alfarma

Mama kenan in snar da ke abin burgewa

Ke kike zamo farin wata da ke haskawa

Tarbiyyar ʼyaʼya mama ke ake kangawa

Mama mai haƙuri ga mu yau cikin fadarki

Yau nai aniya na zage damtse sai na gaida ki

Sannu uwar amarya ga jinjina ta gun ki

Salisu Yaro ɗauki alkalam ka rubuta

Komai na fada sai ya zamma ka nanata

Tafiya da gwani daɗi gare shi ga kalmata

Yau dai uwa amarya nake yi wa waƙata

Yanzu mahaifin amarya za na komo gun ka

Wasu baituka ne na girma za na miko gun ka

Ka kai a yaba maka da hikima son barka

Ka ga mazan jiya za ki fama mai yiwa kowa

Amarya ki duba ga mahaifi na ki yana ta yin ruwa

Buri nai a fita kunya na gai da kai baba

Abin a yi murna baba yana darawa

Mun sha aiki, Baba an sha aiki

Tudun kan tafki, yau na yi maka maki

Yau ake gama aiki an yi bikin ʼyar kirki

Ke amarya gare ki, yau dai sai an kai ki

Share kukanki ba mai ce in sakarki

Ki kwana gidanki ki narke, to mama gare ki na dan fake

Na kawo tsaraba ga ke, mai abin ji ne ga ke

Da ke da miji na ki har bude murya nake

Wani taku dai nake, har wani taku dai nake

Sai wata rana, na bar ku ʼyan uwa

Umma ga sako na mama ina nan zan kuma dawowa