Crediti
COMPOSITION & LYRICS
Bariq Jasim Mohammed
Songwriter
Testi
يالسَّامِع صوت هُتافي آني چِنِت مُصَّمَّم _
ملّيت مِن السَماع و هسّة دوري إنّي أتكلَّم
كلمتي نابعة منِّي و ضَميري لِحروفها صَمَّمَّم
طالِع أنطُقها و دايس عَلَى طلب سياسي و مُعَمَّمَ
أسباب خَرابنا ثلاثة أوَلهُم سياسي سارِق
و رَجُل ديِّن فاسِق و عَال عَلَى راس مُنافِق
و كُل واحِد بيهُم زايَد عَلَىٰ دَمنا و أصبَح سابِق
نجيبَه مِن البَيت و نعلگه بحَبل ألمشانِق
عمايِم التَعَصُّب كُل حَچيهُم بِالقُدسيّة
و دمائِنا مالها حُرمَة مِثْل ألقَبِلها مَنسِيّة
مَوقِفكُم مُخزِي و عار ما بيكُم واحِد ثار
أرواح دَتروح بِالجُملة و أقوَى رُدودكُم إستِنكار
ليش المواطن يُقتَل غدر سابق وعيد ؟ _
ميشوف حقّه بدنيته و ياخذه من شهيد !! _
نضح إناء الثَّورة من الشَّافه أَصبح يبچي
العُلُذُلُ هَسْرَةُ وَ الُذَلَةُ هَيَّ الِّي تحچي _
آني الشَّعب الرَّاد وطن و انتَ رايد قمعي
آني الشَّعب المدلك إيده و انتَ تعض بإصبعي
آني الشَّعب الّي إستمعلك و هسّة ترفض سمعي
دتخلِّص دمعي _ _ _ _ _ _
صوت الشَّعب أقوى من رصاصة تدخل صدره
صوت الشَّعب اعلى من نباح الأفواه القذرة
صوت الشَّعب يگدر يقلع كُل طاغوت من جذره
صوت الشَّعب كلمة الّي يسمعها ترفع دفاع
سنيننا مُضت عِجاف .. من الما شاف و شاف
مجاعة صعدوا فوگ ظهورنا و أكلوا من الإچتاف
بِطالة بالآلاف و هُمَّ يمضغون بالأَعلاف
و جلدنا صار غطانا وكت البرد مو اللحاف
كفّرتوا ناصر الحق و المُنشَق عن عصا الطاعة
خوفكم بدّل جلدكم و كل خسيس بانت اطباعه
لو ما هزّينا الكُرسي مچان رديتوا ردود قمّاعة
وگفاتنا ما راح تخلص مِنّانة ليوم السَّاعة
كُل قَطرَة دَم بالگاع نار بصدورنا ما راح تُطفىٰ
لَنْطَلِّع من خَشمكُم دَمْع عيون ماگِدرَت تُغفىٰ
إنْهَض عالطَّاغي ثور و سير عَلىٰ خُطىٰ الحُسين
فالمَشي عالخَضْرَاء أثْوَب مِنْ مَشْيِ الأربَعين
إلىٰ مَزْبَلَة أَلتَّارِيخ مَصيركُم زائِلين
الّي قَبِلكُم كابَر ، أسأَلكُم عَنَّه وَين ؟
ثَوْرَة تسَلِّم ثَوْرة الرَّايَة و خلْ تشْهَد السِّنين
البارحة ثَوْرَة العِشْرين و اليوم ثَوْرَة تِشْرِين
آني الشَّعب الرَّاد وطن و انتَ رايد قمعي
آني الشَّعب المدلك إيده و انتَ تعض بإصبعي
آني الشَّعب الّي إستمعلك و هسّة ترفض سمعي
دتخلِّص دمعي _ _ _ _ _ _
صوت الشَّعب أقوى من رصاصة تدخل صدره
صوت الشَّعب اعلى من نباح الأفواه القذرة
صوت الشَّعب يگدر يقلع كُل طاغوت من جذره
صوت الشَّعب كلمة الّي يسمعها ترفع دفاع
كافِي جَلْسات و شُورَى شِفناكُم بأبشَع صُورَة
ضَحَكتوا عَلَىٰ الذُّقون بأكاذيب و أقوَال مَأثورة
شِبَعْنا مِن الكلام ، لٰكِن للصِّدْق جِعْنا
إنْغِسلت إيدينا مِنْكُم يا ساستنا و مراجِعْنا
تَعْتيم الإعلام للمَسْتور و مُراسل ذيْل مَأجور
يطلِّع الوَرقَة الخَضْرَة و يعوف الغُصْن المَكسور
مِنْ حَسَنٍ مِنْ ذَفَّر و الجَّسَد بتراب تعفَّر _
و مِن السَّافل صار يضرب فاضل هنا عدَّاد الثِّقة صَفَّر
إنتَ مو گَدْ الكُرسي إترُكه غيرك بِيه _
القيادة تريد الحوك عليك سقطت الدَّولة _
و إذا صدّام إنعدم لأجل قضيَّة الدِّجيل
فأنتَ حُكْمَك ضِعِف لأنَّك قامِع و لأنَّك ذيلْ
لا خلاص لا خلاص لا خلاص خلاص _ _
الحق لو بموت نريده مَتهِزنا طلقة قنَّاص
ثَوْرَة لازِم تُدَرَّس و أُحُد مَتحَف يتْحوَّل
بقُصّة أبطالها الأبْرَز التُّكتُك و الخَطْ الأَوَّل
آني الشَّعب الرَّاد وطن و انتَ رايد قمعي
آني الشَّعب المدلك إيده و انتَ تعض بإصبعي
آني الشَّعب الّي إستمعلك و هسّة ترفض سمعي
دتخلِّص دمعي _ _ _ _ _ _
صوت الشَّعب أقوى من رصاصة تدخل صدره
صوت الشَّعب اعلى من نباح الأفواه القذرة
صوت الشَّعب يگدر يقلع كُل طاغوت من جذره
صوت الشَّعب كلمة الّي يسمعها ترفع دفاع
Written by: Bariq Jasim Mohammed
