مهرجان ليا أخ جدع في ضيقة

عند بوابة النيابة شكلي يصعب ع الغلابة

١٠٠ سؤال مالهوش إجابة، جوه مني كتير كلام

في القفص واقف قصادي، في إنتظار حكمك يا قاضي

بالبراءة احكم ونادي ده اللي قدامك بريء

(عازف أورج يوسف أوشا)

ليا أخ جدع في ضيقة، نفسي يرجع لو دقيقة

عيني بتدمع حقيقة، من فراقه عايش حزين

كل ما أجي أزور بيبانه ببقى عايز أقعد مكانه

مستعد ألبس عشانه بدلة واتأبد سنين

بعد أخويا ماليش صحاب وماليش قرايب

سابني وحدي وراح خلاص أغلى الحبايب

قلبي نصين اتكسر، شوفت العجايب

زيي بقى زي اليتيم، ما أنا ضهري غايب

بعده مين فكر في يوم يسأل عليا؟

لأ ما فيش في غيابه إيد مسحت عينيا

قبل ما أنطق كلمة كان بيحس بيا

كل يوم بدعي إنه يرجع تاني ليا

عند بوابة النيابة شكلي يصعب ع الغلابة

١٠٠ سؤال مالهوش إجابة، جوه مني كتير كلام

في إنتظار لحظة وصوله، لو هقضي اليوم بطوله

مش شاغلني الناس يقولوا عادي ع الأسفلت أنام

عربية الترحيل يا ناس بتنزل المساجين

واقف ما بين الخلق بتقطع وشكلي حزين

أول ما شوفت قصادي أخويا الدمع سال من العين

ما قدرتش أمسك نفسي، بجري لكن منعني أمين

في القفص واقف قصادي، في إنتظار حكمك يا قاضي

بالبراءة احكم ونادي ده اللي قدامك بريء

مين في ضيقتك شال في همي؟ إمتى ترجع يا ابن دمي؟

نفسي أرن وأقولها لأمي إحنا جايين في الطريق

أول ما قال تأبيدة جسمي من الوجع نمل

الصدمة صعبة، كانت شديدة، ما قدرتش أتحمل

راح اللي مني، الله يعيني على اللي حاسس بيه

أغلى الحبايب عني غايب، روحي كانت فيه

طول الطريق عمال بفكر، ببكي بحر دموع

إزاي يا ناس ع الفرقى هقدر؟ قلبي بقى موجوع

قدامي سكة بعيدة، أنا مش لاقي ليها رجوع

الدنيا ضلمة، في عيني سودا ونورها بقى مقطوع

يا اللي فينا شمتانين، إحنا لأ مش محبوسين

هي رحلة وتاني راجعين بكرة يجمعنا المكان

مهما تعلوا يا مرشدين أنتوا برضو مكشوحين

مشهورين بالغدارين من زمان مالكوش أمان

لما الأسود غابت على الناصية دارت عوجان

فجأة القرود ظاطت وأصبح ليها صوت ولسان

وضعي اختلف وعويل كرف، ولا حد بقى فهمان

وسعت خلاص منك يا كار، ده الفار طلعله سنان

يا ابني اسمع أنت وهو فوقوا، بلاش تخرفوا

إخواتنا بره وجوه دول جدعان يشرفوا

مالكوش في توب المعلمة ولا يوم هتعرفوا

جايين منين؟ رايحين لفين؟ على مين بتكرفوا؟

عربي دبور الخال ده اسمه تملي في قلوبنا

رمضان دبور أبو حمو هيفضل أغلى حبايبنا

أحمد دبور ده قلبه طيب، كان مجمعهم

يا رب فك الضيقة ع الجدعان ورجعهم

نجم جيله كريستيانو ده الترند ظهر عشانه

كله يثبت ياض مكانه ده الغزال عم المجال

يوسف أوشا مزيكاته عاملة قلبان في تراكاته

في الشارع دايمًا كلماته مصطفى الجن الأساس

أي حصريات وأكشن طالعة من دبور برودكشن

الريس ده حسين دبور كله يا ابني عامله منشن

محمود يحيى أجدع إدارة معروف الشواف صدارة

التوينز غزالة والمصري مافيا ودماغهم جبارة

دولة إمبابة وبشتيل باعتة مسا ياض لإسماعيلية

(أنتم دلوقتي بتسمعوا على موقع مهرجانات دوت كوم)