I successi di Tito Schipa
Crediti
PERFORMING ARTISTS
Tito Schipa
Performer
COMPOSITION & LYRICS
Pasquale Mario Costa
Composer
S.Di Giacomo
Songwriter
Testi
Era de maggio e te cadeano nzino
A schiocche a schiocche li ccerase rosse
Fresca era ll'aria e tutto lu ciardino
Addurava de rose a ciente passe
Era de maggio; io, no, nun me ne scordo
'Na canzona cantàvemo a ddoie voce
Cchiù tiempo passa e cchiù me n'allicordo
Fresca era ll'aria e la canzona doce
E diceva: core, core!
Core mio, luntano vaie
Tu me lasse e io conto ll'ore
Chi sa quanno turnarraie!
Rispunneva io: turnarraggio
Quanno tornano li rose
Si stu sciore torna a maggio
Pure a maggio io stonco ccà
Si stu sciore torna a maggio
Pure a maggio io stonco ccà
E so' turnato, e mo, comm'a na vota
Cantammo nzieme lu mutivo antico
Passa lu tiempo e lu munno s'avota
Ma ammore vero, no, nun vota vico
De te, bellezza mia, m'annammuraie
Si t'allicuorde, nnanze a la funtana
L'acqua llà dinto nun se secca maie
E ferite d'ammore nun se sana
Nun se sana; ca sanata?
Si se fosse, gioia mia
Mmiezo a st'aria mbarzamata
A guardarte io nun starria!
E te dico: core, core!
Core mio, turnato io so'
Torna maggio e torna ammore
Fa de me chello che vuò!
Torna maggio e torna ammore
Fa de me chello che vuò!
Writer(s): Mario Costa
Lyrics powered by www.musixmatch.com