Sio Jazba O Bedari

Hai fikr-o-amal ki taabaani

Sarshaar e dawat-e-imaani

Talba me khidmat-e-insaani

Azkaar o ibadat roohani

Aur ishq-e-nabi ki jaulani

Har ek ki tamanna qurbani

Talba ki qayaadat chattaani

Takreem o sa'adat e insaani

Pakeeza teenat, Rahmani

Takmeel e Ita'at e Rabbaani

SIO Jazba o bedaari

SIO Nishaan e me'maari

Insaani masaail ke hal mein

Masroof hama tan rehti hai

Baatil ki geedadh bhapki pe

Na jhukti hai na bikti hai

Hamaanon se fir'aunon se

Na darti hai na dabti hai

Ye apne ehed ki paaband hai

Waadon ko poora karti hai

Afkaar o amal se kirdaar se ye

Deti hi shahadat e Islami

SIO Jazba o bedaari

SIO Nishaan e me'maari

Taleem o taraqqi, fikr o amal

Har maidaan me masroof mile

Jo qaum ke ek ek bete mein

Jazbon ko jagaaye Josh bhare

Uski har ek sargarmi se

Imaan ki haraarat, shauq badhe

Ek saath mile jab ham sab to

Pur azm bane, himmat bhi badhe

Ummeed ki roshan kirnon ki

Tanveer, sadaaqat e islaami

SIO Jazba o bedaari

SIO Nishaan e me'maari

Allah ki rehmat chhaaye gi

Insaaf kabhi na roothe ga

Ummeed ka daaman na chodhe

Har zulm ka chakkar tootega

Jab juhd e musalsal ho paiham

Halaat ka dhaara badle ga

Ek saaleh qayaadat ubhre gar

Qismat ka sitaara chamke ga

Be laus jehed, bebaak amal

Hai quwwat o taaqat tulbaai

SIO Jazba o bedaari

SIO Nishaan e me'maari