Stella Splendens

Stella splendes in monte ut Solis radium

Miraculis serrato exaudi populum

Concurrunt universi gaudentes populi

Divitas et egeni grandes et parvuli

Ipsum ingrediuntur ut cernunt oculi

Et inde revertuntur graciis repleti

Stella splendes in monte ut Solis radium

Miraculis serrato exaudi populum

Principes et magnates extirpe regia

Seculi potestates optenta venia

Peccaminum proclamant tundentes pectora

Poplite flexo clamant hic Ave Maria

Stella splendes in monte ut Solis radium

Miraculis serrato exaudi populum

Prelati et barones, comites incliti

Religiosi omnes atque presbiteri

Milites, mercatores, cives, marinari

Burguenses, piscatores premiantur ibi

Stella splendens in monte ut solis radium

Miraculis serrato exaudi populum

Rustici, aratores nec non notarii

Advocati, scultores, cuncti ligni fabri

Sartores et sutores nec non lanifici

Artifices et omnes gratulantur ibi

Stella splendens in monte ut solis radium

Miraculis serrato exaudi populum

Stella splendens in monte ut solis radium

Miraculis serrato exaudi populum

Regine, comitisse, illustres domine

Potentes et ancille, iuvenes parvule

Virgines et antique pariter vidue

Conscendunt et hunc montem et religiose

Stella splendens in monte ut solis radium

Miraculis serrato exaudi populum

Cetus hi aggregantur, hic ut exhibeant

Vota, regraciantur ut ipsa et reddant

Aulam istam ditantes, hoc cuncti videant

Localibus ornantes soluti redeant

Stella splendens in monte ut solis radium

Miraculis serrato exaudi populum

Cuncti ergo precantes sexus utriusque

Mentes nostras mundantes oremus devote

Virginem gloriosam, matrem clementie

In celis graciosam senciamus vere

Stella splendens in monte ut solis radium

Miraculis serrato exaudi populum