Sälbstillusion

D'Ziit isch cho, wonich mues säge, was mi vill beschäftigt

Dur di täglichi Routine irgendwie selber z'fescht entchräftigt

S'gliiche Muster jede Tag, für die Meiste isch's normal

Dass d'Wirtschaft mues wachse, aber d'Folge sind egal

Ich seg, de Mensch isch Sieger vom Priis ide Sälbstillusion

Ich frög mich, gits en Uusweg us de Schachmattsituation?

Isch öpis günstig oder bequem, simmer an erster Position

Isch öpis tüürer und mal fair, wählemer die anderi Option

Sing

Dreams are hard to grow

If there's just a little hope for tomorrow

I'll try to keep my faith before we go

'Cause all we need is ourselves to know

Luegi umenand, gsehni luuter strahlendi Gsichter

Aber nöd wegem innere Glück oder guete Zuekunftsussichte

Sondern will mer nöd ufs Handy und de Bildschirm verzichtet

Debii nöd chegged, dass de Gsellschaftsdruck über eus wird richte

Digitali Kommunikation statt Konfrontatione

Lieber SMS verfasse als normali Diskussione

Am eis ab zehni lieber d'Polizei uufbüte

Aber selber nöd bereit zum schnell bim Nachbar go lüüte

Leg de eigene Engstirnigkeit vermehrt Stei in Weg

Z'vill negativi Ihflüss mached irgendwenn vill z'träg

Mir renned jede Tag, aber wüssed hüüfig nöd, wohii

S'Ziel gsend nur wenigi, de Rescht lauft hinedrii

Verspreche werded gmacht, aber leider z'wenig iighalte

Verzellt wird zwar vill, nur fehled dadezue meh Tate

Bin ja selber nöd vill besser, nimm mich selber da nöd drus

Und je länger ich de Song schriib, desto meh wird's mer bewusst

Sing

Dreams are hard to grow

If there's just a little hope for tomorrow

I'll try to keep my faith before we go

'Cause all we need is ourselves to know

And I said dreams are hard to grow

If there's just a little hope for tomorrow

I'll try to keep my faith before we go

'Cause all we need is ourselves to know