Mwen Merite Lanmou

Pou mwen lavi ta dwe yon bèl jounen

Mwen fè gwo rèv menm lè je m ouvè

Figi m ta dwè montre la jwa de viv

Fò kè m kontan lè m jwe ak ti zanmi m

Pita se mwen ki pral doktè, achitèk oswa pwofesè

Lavi pat lage m nan men w se la pwovidans ki mennen m ba ou

Mwen merite lanmou

Mwen merite lanmou mwen menm tou

Mwen merite lanmou

Mwen merite lanmou

Mwen menm tou

Ti zwazo pa ka bay tèt li manje

Se granmou li ki okupe l

Fè mwen santi mwen enpotan pou ou

Mwen ta renmen ou pwoteje dwa m tou

Mwen pa vle rete dèyè, kajole m ede m rive lwen

Pa kite sikatris nan kè m

Kite m souri kite m jwi bonè m

Mwen merite lanmou

Mwen merite lanmou mwen menm tou

Mwen merite lanmou

Mwen merite lanmou

Mwen menm tou

Mwen merite lanmou

Pa kite sikatris nan kè m

Kite m jwi bonè m

Mwen merite lanmou mwen menm tou