Roundtrip

Ilang ulit nadapa, ayoko nang muling matisod

Iniwanan kong lahat at ako ay nakalimot

Sa dinami-rami ng maling daan na dinaanan

Umuulit lang ng ulit lang, pabalik-balik lang naman

Isang linggo, isang buwan, bumabait paminsan-minsan

Wala naman ibang alam kundi ang magbilang ng kulang

Sa sarili kong wala naman ibang patutunguhan

Umuulit lang ng ulit lang, pabalik-balik lang naman

Paulit-ulit akong naaakit

Lumayo man ako, ika'y lumalapit

Nanunumbalik pagmamahal sa'kin

'Di ka nagbabago kahit paulit-ulit lang naman ako

Minsan hindi ko mapigilan, bakit 'di ko makayanan

Ang umulit-ulit sa mali ko nang nakasanayan

Alam mo na, alam mo 'yon kahit lumipas man ang panahon

Ngunit hindi ikaw ganon, hindi mo iniipon sa kahon

Ang pighati sa sandali na ako'y nagkamali

Umuulit lang ng ulit lang, pabalik-balik lang naman

Paulit-ulit akong naaakit

Lumayo man ako, ika'y lumalapit

Nanunumbalik pagmamahal sa'kin

'Di ka nagbabago kahit paulit-ulit lang naman ako

Paulit-ulit akong naaakit

Lumayo man ako, ika'y lumalapit

Nanunumbalik pagmamahal sa'kin

'Di ka nagbabago

Paulit-ulit akong naaakit

Lumayo man ako, ika'y lumalapit

Nanunumbalik pagmamahal sa'kin

'Di ka nagbabago kahit paulit-ulit lang naman ako

Pagkatapos ng lahat, ako ngayo'y may natutunan

Ang itama ang lahat dahil kang pagkukulang

Ibinigay mo ang lahat kahit ako'y makasalanan

Ayoko nang umulit-ulit, magpabalik-balik sa maling ako