Tartuffe (feat. VLADA)

Treffen sich a Shipi und Serb

was wia an Witz tönt, wär‘s nit bittera Ernst

umarmen sich Türka und Kurda

das muass Sarkasmus si, will siher springen sie sich würgend an d Gurgla

sie sind alli viel z jung, um dia Kriag miterlebt z ha

doch ficken sich im Internet a

als liggens sit em Kinderbett a mit grimmiga Gsichter im Schlamm

Grabakampf online, Waffagang, Todfeind, Hass eifach us Gwohnheit

ufbrausend und unghobelt, glaub

sie verwechseln ihra Browser- mit em Frontverlauf

grosses Abschlachta ir Kommentarspalta

wega groba Altlasta, dia Trolls am astachla

mit Hassmails, Twitter und Caps Lock

wirsch hüt ar Stell vum Schrapnellsplitter zerfetzt, wo

sich schärfer als a Skalpellschnitt durch dis Herz bohrt

doch zelebriart wia paar Game-Pixel und Headshots uf dr X-Box

weisch, was verstohn i nita?

Meinsch, dass üsi Eltera nur gfloha sind vor Chauvinista

Foltermittel, Todeslista, damit sich ihra Goofa witer

grob beschimpfen und do statt für Chance für Revancha stritten?

Villicht drängen sich dia Väter amix uf

und richten d Wetterfahna us und züüchen Veterana uf

Vendetta breitet sich wia Metastasa us, Söhn packen Kettasaga us

nit selta endens eba drum mental als bettelarmi Hools

und das kasch hüüfig xeh

d Idee vu Nationalität git Bühni frei für Hüüchelei

drum kömmer au Symbol stolz umaträga

obwohl mol dunna leba? As No-go ums Verrecka

wia iar villicht wüssen, hend gwüssi Lüüt ir Diaspora

au z Wahlrecht für ihri vermeintlichi Heimat und wenn iar eu frogen,

warum dia meistens rechts wähla tüand

will es nit sie sind, wo mit beschnittena Recht leba müand

drum simmer no so froh

egal ob Serbia oder Kosovo

kömmer noch zwei Wucha Summerferia denn dia Ort verloh

wo man no in öffentlicha WCs muass in d Hocki go

wo d Boiler schnell leer sind und Jugendlichi hoffnigslos

wo günstig kasch go shoppa go, wo niamols witsch zum Dokter go

döt lömmer üsi Cousins mit paar Tafla Schwizer Schoggi stoh

und winken ihna nonchalant us Schorle-goldna Porche no

tüand nit aso total verblödet, bitte

miar sind numa wohlstandsverwöhnti Schwizer

will letschtlich isch es das, was miar worda sind

Gschichtsbewusstsi kann a Krankheit si

Pandemie fallt do i, rafft vor sich alles hi

drum verlang i als a Arznei a Amnesie

allez-y, rammen euri Köpf mol in dia Wand do dri

Ref.

Lömmers guat si – lohn üs nüma zruckluaga

Lömmers guat si – lohn üs endlich usruaba

Lömmers guat si – keinem müammer grecht werda

Lömmers guat si – keina muass meh grächt werda