Chugelsichere Weschte

Du issisch wunderschön, sie wäred zfriede mit de Reschte

Verspührsch trotzdem Angscht da im Chugelsichere Weschte

De Röschtigrabe wiä en isserne Vorhang,

Wo en dunkle Schatte wirft über d’Kinde vom Wohlstand

Imne Land wo öbbis z’ändre wär,

versinked Träum vom Volk imene Ständemehr (Ständemeer)

Bliibe in Gedanke versunke

Letscht Nacht sind hunder Lüüt uf eme Tanker versunke

Während mis Herz brännt wiä Moria

Fangt de Fremdehass i dem Land da vo vore ah

Verschwändet kei Gedanke was s’für Folge hät

Schicked CO2 in Himmel wiänes Stossgebet

Mir wennd abschalte vom Alltag und flüged übers Meer

Sie hend Angscht vorme Aschlag und flüchtet übers Meer

Stiiged ines Boot für die letschti Etappe,

werded am Feschtland feschtghalte vo Männer mit Waffe

S’Schicksal vo tusig Lüüt stosst uf Fremdehass

Wo ä Frau mit Chind im Arm vertriebt mit Tränegas

Bilder wo mer d’Luftabschniided wiä en Herzinfarkt

Die europäisch Flagge glicht amne Gfängnistrackt

Ich hebe d’Fuscht id Luft und hoffe Rettig wird cho

Mache d’Auge zue und träum vomne bessere Ort

Wo mer Unglichheite nüme mit Chriege bekämpft

Mache d’Auge uf und weiss Liäbii wird siege am Änd

Am Änd

Am Änd

Am / Änd

Mache d’Auge uf und weiss Liäbii wird siege am Änd