Kaká

5 di Julho di 96

Amilcar nasi na Praia

fidju di Juána, ku Zé piscador

num família póbri coitádu

ku txeu sacrifício

ê mandádu bá scola

esperança na cê futuro

si pai nunca studa, si mãe kuarta clasi

ma pa cês fidju êss fazi um sforçu

pa um dia ê ser um grandi homi

pê djuda família tem um vida midjor

“Refrão”

ui, ui, ui, ui, nha terra , nha terra

ui, ui, ui, ui, dja nu perdê nôs morabeza

Txiga adolesçência, num fazi difícil

djê ka krê ôbi ku más grandi

trocádu influência di rapaz na zona

kaká dja bira thagui

djê cumeça bebi, dje kumeça fuma

ka gô djê dicidi me larga bá scola

cê vida ê na rua, djuntu ku cê gangui

tá briga frontêra e da casubodi

Menor di idadi, policia ka prendi

termo identidadi i risidência

“Refrão”

ui, ui, ui, ui, nha terra , nha terra

ui, ui, ui, ui, dja nu perdê nôs morabeza

Kaká dja da homi, ê completa dizóito

si pai disanima, pol fora casa

na djobi piquena, ê cruza frontêra

rapaz djunta nel ku tiru e facada

Nha guenti forti mundu ê duêdu

mi m’krê sabi kenha kê kulpadu oiiii

“Refrão”

ui, ui, ui, ui, nha terra , nha terra

ui, ui, ui, ui, ka nu perdê nôs morabeza

(Nu pêga firmi na nôs fidjus)