Wand

Es ist d’Hoffnig wo üüs flüstert,

Dass es bliibt wies grad esch

Obwohl mers besser wösse

Gloube mer das eifach ned

Mer seckle immer wiiter

Es esch e Flocht is reine Liecht

De blick defoo abzwände höuft üüs do derbii aber ned

Mit em Rücken zo der Wand

Chömmer die wand ned gse

Wemmer zwe schrett vorwärts mache

Gömmer eine weder zrogg

Mer wösse wommer stöi

Ond mer wösse womer send

Gse dömmer alles glasklar

Aber loufe tömmer blend

S‘ Wösse um d‘Zukunft, das frässe mer wäg

Vom blauen Licht beströmt wachst der Hunger nor no me

Häppli om Häppli

Ond bess om bess

Betäube mer üs säuber

Bis i letschti freii fau

D‘Bezugsnorm die esch gsetzt

Ond d‘Weiche die se gstöut

So lockt de nöchschti Schrett und trüebt de Uusbleck bis ofs Ziiu

Im Gleichschritt werd marschiert

Do ein Ausfauschrett

Bis üüs d‘ Gier weder met sech nemmt