បថមវ័យស្នេហាគ្រឹស្នាទេវី

ភ្លៀងធ្លាក់ដើមឆ្នាំ រុក្ខជាតិខៀវខ្ចី ហ៊ឺ... ហ៊ឺ

ក្នុងបឋមវ័យ ដូចស្រីនិងបង ហ៊ឺ... ហ៊ឺ

បើវ័យដូចយើង ខ្វះក្តីស្នេហ៍ស្នង ហ៊ឺ... ហ៊ឺ

ដល់ចាស់កោងខ្នង ច្បាស់ជាស្តាយក្រោយ (មិនខ្ចីសោកស្តាយ)

មេឃខៀវស្រឡះ ពពកបាំងថ្ងៃ ហ៊ឺ... ហ៊ឺ

ត្រូវស្រឡាញ់វ័យ ហើយស្រឡាញ់កាយ ហ៊ឺ... ហ៊ឺ

ខ្លួនអូនជាស្រី ត្រូវមើលឱ្យឆ្ងាយ ហ៊ឺ... ហ៊ឺ

មុននឹងបង់កាយ ត្រូវសម្លឹងចិត្ត (សូមអូនកុំគិត)

បងខ្វះតែទ្រព្យ នឹងផ្គាប់ចិត្តអូន ហ៊ឺ... ហ៊ឺ

ព្រោះបងជាកូន អ្នកក្រីក្រពិត ហ៊ឺ... ហ៊ឺ

ដូចជាជន្លេន លបលួចស្នេហ៍ស្និទ្ធ ហ៊ឺ... ហ៊ឺ

ចាប់ចិត្តប្រតិព័ទ្ធ លើដួងចន្រ្ទា (កុំចេះតែថា)

យុវជនឈាមរាវ នៅក្នុងវ័យក្មេង ហ៊ឺ... ហ៊ឺ

ចូលចិត្តប្រលែង នឹងល្បែងស្នេហា ហ៊ឺ... ហ៊ឺ

បានកាយណាយចិត្ត លែងគិតនឹកនា ហ៊ឺ... ហ៊ឺ

ឱ្យស្រីកំព្រា វេទនាចំបែង (អូនកុំគិតក្រែង)

បងធ្លាប់តែឈ្នះ ក្នុងនាមកូនប្រុស ហ៊ឺ... ហ៊ឺ

ពេលយល់សម្រស់ ប្រុសបងវង្វេង ហ៊ឺ... ហ៊ឺ

ស្រមៃហាក់បាន ចន្ទបីបន្លែង ហ៊ឺ... ហ៊ឺ

អន្ទះអន្ទែង រាល់ពេល រាត្រី (កុំបញ្ជោរស្រី)

បុប្ផាក្រពុំ មានសម្រស់ល្អ

សូមស្រស់បវរ អូននាងប្រណី

សូមតែប្រុសបង កុំបោះបង់ស្រី

កុំបារម្ភអី ណាម្ចាស់ចិន្តា

កុំបារម្ភអី ណាម្ចាស់ចិន្តា