Rondó FEM

Nin pagues, nin agradeces

tol trabayu que se fái,

tol trabayu que facemos

queda enteru ensin pagar.

Los homes salen y entren

faen, desfaen y perfaen,

la muyer que fái lo mesmo

tien que se xustificar.

Quedo en casa colos neños

paezte de lo más normal,

si queda el padre con ellos

una medalla hai que da-y.

Si hai que falar de problemes

el silenciu nun me val

el reñer podrá ser malo,

tamién ofende'l callar.

Dos muyeres nun van soles

si van xuntes a un llugar,

nun necesiten paisanos

pa facese respetar.

Nun queremos la tó ayuda

la cuestión nun ye ayudar,

queremos que tola xera

se comparta n'igualdá.