គេងមកអូន

គេងមកអូន គេងកើយភ្លៅ

ហើយពាលពៅ ចោលភ្នែកមើលចន្ទមណ្ឌល

រះក្រឡង់ ដូចភ័ក្រនិមល

ដែលធ្លាប់យល់ រាល់ពេលមិនអាច ភ្លេចឡើយ

គេងមកចុះ ស្រស់ចរណៃ

ស្តាប់តន្ត្រី ធម្មជាតិប្រគុំរវើយ

ខ្យល់ត្រជាក់ ធ្លាក់មករំភើយ

មាសបងអើយ យើងបានធូរស្បើយទុក្ខា

ស្រឡាញ់ណាស់ មិនចង់ឱ្យឃ្លាត

គ្រប់ៗជាតិ កុំឃ្លាតភ័ក្ត្រា

ដូចព្រះច័ន្ទ និងដួងតារា

ភ្ជាប់វាសនា ស្នេហាអស់មួយជីវិត

ស្រឡាញ់ណាស់ មិនចង់ឱ្យឃ្លាត

គ្រប់ៗជាតិ កុំឃ្លាតភ័ក្ត្រា

ដូចព្រះច័ន្ទ និងដួងតារា

ភ្ជាប់វាសនា ស្នេហាអស់មួយជីវិត

គេងមកពៅ គេងកម្សាន្ត

ហើយកុំស្មាន កុំព្រួយថាបងបែកចិត្ត

រៀមស្រឡាញ់ ហើយថែមអាណិត

នេះពាក្យពិត វណ្ណះកវីនៃអូន

គេងមកពៅ គេងកម្សាន្ត

ហើយកុំស្មាន កុំព្រួយថាបងបែកចិត្ត

រៀមស្រលាញ់ ហើយថែមអាណិត

នេះពាក្យពិត វណ្ណះកវីនៃអូន

នេះពាក្យពិត វណ្ណះកវីនៃអូន