Háfjöllin (feat. Mr. Silla)

Þar sem háfjöllin heilögu rísa

mót heiðskírri norðurátt

á landi íslenskra ísa,

þar er þér, sál mín, svo dátt svo dátt:

þar sem öræfafuglinn hann flögrar

í frosti um skarð og tind

og jökulauðnin þér ögrar

sem óklöppuð dýrlingsmynd

Þar sem Urðhæð og Einbúi vaka

og eldborgin hvíta rís

og fornir fjallgalar kvaka,

þar finn ég þig loks, mín dís!

Á vörum þér sælan sefur:

af sjónum þér andvakan skín,

og mjúkt um þinn meydóm vefur

hún mjöllin sitt frostalín.