Niemaus Alei

(Typisch ND)

(Immer weni ds Gfüuh ha)

(Weissi du bisch no da)

(Ds Liecht wo mir zeigt I bi niemaus alei)

Früecher immer kämpft u gstritte

Hätt denn niemaus denkt das izze

Üsi Verbindig so töif wird sitze

Obwou mir beidi Gfüuh nid chöi vermittle

Wenn sech ds Chaos mau wieder viu z schnäu vermischt

D' Stimmig im Chäuer isch

Seisch du das weg dem nid d' Wäut zerbricht

U zeigsch mir wie me ds Beschte vo sich säuber isch

Dank dir hani iz Selbstvertroue u Muet aus Waffe

Cha iz Rückschleg scho fasch guet verchrafte

Wenn i nid sicher bi, fragsch du: ,,Wiese warte?''

Weisch no denn zumau mit ''Yu-Gi-Oh!'' Charte

Mit gwagte Stunts d' Chnöi so leid ga vrchrüpple

La nie t Guetglöibigkeit la usnütze

Mängisch chaut u vo usse würksch du hert wie Stei

Aber nei, i weiss wie's meinsch. Ha nur zweni Merci gseit

Immer weni ds Gfüuh ha, dasi iz nümme cha,

U mi au wei verlah. Weissi du bisch no da

Bi zwar iz nid dahei, wett aber das du weisch

Du bisch z liecht wo mir zeigt, i bi niemaus alei

Ä Gedanke wo mit Ängusstimm dir seit

Mach dis Ding (mach dis Ding) denn ds fingi geil

Krass wie viu chrafts mir git

Wüu Bluet haut eifach dicker aus Wasser isch

Di Zile schribi aui nur für di,

Angers usdrückt du bisch aus für mi

Ohni di wäri uf dr komplett schiefe Bahn

So öpis wärde die meiste nie verstah

Wett mängisch ih dr Zit zrügg doch ds chöi mir nid

Mini Gfüuh i Wort z verfasse isch doch nöi für mi

Oh we mir heftig gstritte hei, I bereus nid

Denn du hesch mir zeigt das Bruederliebi nid chöiflech isch

Oh weni hüt nid aui Berge überwunde ha

Weissi mit dir im Rügge wird dr Himmu sunneklar

Schribe fertig oh wenn ä Träne mini Schrift vrschmiert

Di chli Brüetsch wird immer da si, vergiss ds nie!

Immer weni ds Gfüuh ha dasi iz nümme cha,

U mi au wei verlah. Weissi du bisch no da

Bi zwar iz nid dahei, wett aber das du weisch

Du bisch z liecht wo mir zeigt, i bi niemaus alei

Immer weni ds Gfüuh ha, dasi iz nümme cha,

U mi au wei verlah. Weissi du bisch no da

Bi zwar iz nid dahei (dahei, dahei), wett aber das du weisch (du weisch, du weisch)

Du bisch ds liecht wo mir zeigt, ds liecht wo mir zeigt i bi niemaus alei