D'schribmaschine Kunigund

D Schribmaschine Kunigund

Bim Herr Direkter im Büro, da staht sie ufem Tisch,

sie isch trotz ihrem Alter gäng no zwäg und geistig frisch,

sie isch de Stolz vo dem Betrieb und da het au sin Grund,

D Schribmaschine Kunigund, die schribt sich d Taste wund!

Sehr geehrter Herr Direktor, bitte nehmen Sie

Unsre besten Grüsse und die tiefste Sympathie.

Doch d Kunigund isch plötzlich chrank, mer gseht da zimli glii,

es muess im Farbband irgendwo e Bänderzerrig sii.

Es tuetre alles weh, sie gaht zum Dokter und de seit:

Lueged mer die Sach mal a, jetzt säged sie mal AAA

Sahr gaahrtar Harr Daraktar, batta nahman saa

Ansra bastan Grassa and da tafsta Sampatha."

Und d Schriebmaschine Kunigund, die chlagt im höchste Ton,

am meiste gspürich d Schmerze da bim grosse Ypsilon!

Ich bringe chum meh d Taste ue, das gaht doch nid e so.

De Dokter seit Das chunnt devo, jetzt säged Sie mal OOO

Sohr goohrtor Horr Doroktor Botto nohmon so

Onsro boston Grosso ond do tofsto Sompotho."

"Herr Dokter" seit da d Kunigund "was mich vor allem hemmt,

isch das im dümmste Augeblick es grossi CK

chlemmt. Mer chan doch ohni CK nümme froh und heiter si

De Dokter seit Ich gsehn da i, jetzt säged Sie mal III

Sihr giihrtir Hirr Diriktir bitti nihmin si

Insri bistin Grissi ind di tifsti Simpithi.

Herr Dokter s isch da nones Übel, allerdings es alts.

Wenn ich am Morge ufstahn, bissts mich under miner' Walz.

Ich ha fast gar scho Angst seit d Kunigund ich heigi Flöh!

De Dokter seit Da isch nid schö, ez seged sie mal ÖÖÖ

Söhr gööhrtör Hörr Dörökör böttö nöhmön sö

Önsrö böstön Grössö önd dö töfstö Sömpöthö.

De Dokter seit Zum chrank si gits en hufe ernsti Gründ.

Wa ihne fehlt Frau Kunigund, da isch en feste Fründ.

Ez lueged sie sich eifach mal im Büro echli rund,

wenn d Liebi under d Taste chunnt, denn isch mer wieder gsund!