Lima Nga Bulan

Nagdaras ti aldaw

Haanko man laeng nadlaw

Manipod nakita ka nga nagdung-aw

Nga Agpanpanonot iti maysa a kalapaw

Nairot nga pinetpetam iti imak

Inka minulenglengan ti matak

Inyarasaas mo, “haan mo isarra ta pusom

Ta ditoy biagko, sika simmangbay

Nagsayaat, nagragsak nga sublianan

Dagiti isem nga naimatangan

Nga nangpaimbag ti puso a nasugatan

Ti panawen nga indak pinanawan

Ranyag ti Bituin, Isem ti Bulan

Saksi diay lugar a nagkitaan

Nagsayaat, nagragsak nga sublianan

Haan maigawidan panagtulid ti bulan

Maysa, duwa, iti ayat naamiris

Tallo, uppat, narinak ti sam-it

Lima nga bulan ti kappia ken kasir

Saanen nga Umebbat ti Sapata

Uray pay agsardeng tulid ti oras

Naragsak a panawen ti pagsangwan

Lima nga bulan

Sam-it ti ayat tunggal maysa..