Pen Llŷn

Pen Llŷn

Pan mae'r domen yn cau amdanaf

A'r bedol ar ei lawr

Gwynt y môr a'i swyn sy'n galw

I'r awyr mawr a fi

Colli'n hun yn y grug a'r eithin

Colli'n hun ar dywod melyn

Wyf sgotwr balch yn canu

Wyf sant ar y Swnt i Enlli - Pen Llyn

A'r drywydd hen wlad fy nhadau

Chwilfrydedd fy ngwaed

Carn i garn, heli i heli

Hel olion traed

Colli'n hun ar lwybrau troellog

Colli'n hun ar ros Botwnnog

Wyf Polly Preston, wyf Samiwel

Wyf Fesen dan rwbel chwarel - Pen Llyn

Er myfyrdod, er gogoniant

Yr un hen betha'n y bôn

Prisiau tai 'di mynd drwy'r to

O Fynwy i Sir Fôn

Colli mhen, isio torri'n rhydd

Colli mhen, isio gweld y dydd

Wyf wyllt fel fflamau Penyberth

Wyf weddi'r capel sydd ar werth - Pen Llyn

Wyf enw gwreiddiol y bwthyn hwn

Wyf gynnyrch lleol y gora mi wn

Wyf ffarmwr cry, wyf gimwch du

Wyf Dafydd Jones yn gweiddi

Wyf deulu selog isio cartra clyd

Wyf stori ddirgel pen draw'r byd

Wyf bererindod rhyddid gwlad

Wyf garwr tra mad

Ar y daith mae angen ffynnon

Angen sbyty, angen hafan

A mynadd fel y mynaich

Ac ysgwydd a braich - Pen Llyn

Pan mae'r domen yn cau amdanaf

Cofiaf wynt y môr

A throi y bedol ar ei fyny

Ysgafnhau fy angor