Blueme, Tier u Vögu

I liege wach im Bett

Lose dr zue bim schnarchle

Gschpüre d' Wärmi vo dim Körper

Probiere di nid z' störe

Bewundere dini Loubfläcke

U dini Schultere die starche

I dänke Blueme, Tier u Vögu

U zu was dass du chönntsch ghöre

Jitz drääisch di chli uf d' Site

U jitz gseht me eis vo dine Ouge

U öppe d' Häufti vom ne Muu

U fasch die ganzi Nase o

Aber dr Räschte gseht me nid

Dä blibt im Liintuech verborge

Paar fiini Linie mit em Pinsu

Rokoko oder so

Duss ar Chrützig blinkt en Ample

Vor em Fänschter louft e Charre

I probiere mi z' erinnere

U i luege zue wie d' schlafsch

I bewundere dini Loubfläcke

U dini Schultere die starche

Bi mr blibe bitte

Bitte witer schnarchle

I liege wach im Bett

Lose dr zue bim schnarchle

Gschpüre d' Wärmi vo dim Körper

Probiere di nid z' störe

Bi mr blibe bitte

Bi mr blibe bitte

Bi mr blibe bitte