Tigullutit

Tigullutit pakkullutit nutaajungaartutit

assatit isikkatit mianernalaarlutik

silarsuaq nutaajusoq isaanneqarluni

asanninneq naassaanngitsoq tigummiarlugu

Inequnarluinnartoq mikiginangaaqisoq

isinngui uillutit marsilaarlutik

Immikkuullarillutit kusanangaartutit

kuniorlutit tipigingaartutit

kissalaarluarlutit nasarsimallutit

inip iluaniittutit alutornangaarlutit

Nillinaarsilaarlutit qissasertutit

nipinnguit tusarnersoq tusaatilaarlugu

Qiaqataangajalluta aqalereerluta

avatangiisigut puigorluinnarlugit

inuugavimmi ulloq taanna puigunaaqisoq

tamatsinnut pilluarnermik misigititsisoq

Silarsuaq alakkaruk qalipaatilersoruk

asanninnerlu pigisat siaruarlugu

Asavakkit