Soundcheck

Madaming akala at bulong-bulungan ang nagsulputan

Akala hindi ko na kaya na makabalik pa sa tungtungan

Ng entablado, 'kala siguro pudpod na ang bumbunan

'Yan lamang ang sabi-sabi sa tabi-tabi, sa mga kumpulan

Akala mo ba, basta gano'n na lamang susukuan

Ang kulturang natutunan, pawis, dugo na ang puhunan?

An'daming maling akala, at para wala nang pagtalunan

Dadaplisan ko lang ng isa sa tagiliran, at 'di na para puruhan

Dahil baka ikamatay mo pa, bagsakan at mga bira

Huwag ka masyadong maiirita, baka hindi ka na makahinga

At ngayong alam mo na ako'y 'di pa nawala, daliri'y nangangati pa

Para muli akong makatipa, mga tugma na kakaiba

At alam ko naman, marami pa rin naman sa kanta ko ang kumakabisa

At isa pa, huwag kang umasa na sa 'kin, ikaw ay makakaisa

Mula pa no'ng nag-umpisa, pangalan sumabog bigla, 'di na maikakaila

At sa narating dito sa scene, markado na rin, wala nang makakagiba

Noon, ako ay hinahamak at tampulan ng tukso

At gusto niyong madapa't matabunan

Pero ngayon ay nakatapak sa kanluran

At 'yong mga nanghamak, nakalagak sa kangkungan

Hindi mo na 'ko mapapaalis (paalis)

At lalong 'di mo 'ko mapapalitan (papalitan)

At ngayon sa aking pagbabalik (babalik)

Marami dito ang mapapaitan

Mga bitter diyan sa lipad kong mala-Peter Pan

Eksena bumabaho dahil sa bunganga mo, paki-zipper 'yan

At sa muli kong pagtapak, laging may dalang alak kahit liquor ban

Makikipagkamay lang ako kung ako si Edward Scissorhand

Pa'no ba 'yan? Pa'no mo pa ako sasabayan?

Kasi may bagong labas na naman, hanggang bash ka na lang do'n sa talakayan

Nakakapagtaka lang, ano'ng napapala mo sa pagmamatapang?

Bakit 'yong mga walang pakinabang, sila pa may gana na magmayabang?

Minamaliit kasi laking kanto, pero lahat tayo biglang naging bago

Nang ang kapalaran aking nilakaran, biglang luminaw at naging klaro

Mga nagmamataas noon, nakikiinom na rin sa 'king baso

Sige, balato, kasi nanalo no'ng tinaya ko ang lahat pati pato at pamanggulo

Sa'n man anggulo mo tingnan, malaki ang pagkakaiba

'Pag sa kalyeng parang gubat, kada buhat, at palagi na sinasabi

Na sa buhay, matira matibay, at mahusay ka kung isa ka doon sa mga natira

Pero minsan, sa mga daan na dinaanan, 'di ko maiwasang mapa-"'Tang ina!"

Sa dami ng pinagdaanang bubog at alambre

Na may tulis at talas, pero natutong umabante

Tuloy ang pangarap ko pagkatulog ko sa katre

Patunay na sa hirap nahuhubog ang diyamante

Yeah, pero 'di pa rin nakampante

Tuloy-tuloy sa pagbiyahe habang bitbit ko ang mga bagahe

Pupunuin ng plake ang estante, bawat espasyo at mga bakante

Batang kalye, ako si David sa harap ng kalabang higante

Pananatilihing balanse ang timbangan, 'yan ang importante

At wala 'kong paki sa komento ng mga punyetang ignorante

Sa pumatol sa mga kahol ng arogante, 'di na bale

Asong ulol na ang sinasabi, kasing-amoy ng tinatae

Ganiyan ba 'yon?

Ganito pala 'yon!

Ganito ba 'yon? Ang agwat tinalon papunta sa makabagong panahon

Kahit paganiyan o pagano'n, wala kang maririnig sa 'king mga barang patapon

Daming mga batang naghamon, tatlong daan ang inipon lahat sa balon

An'dami ko pang puwede mailabas galing sa aking kahon

Kaya sumusulat lang ng awit na patok, sulit ang tinta, panulat sa 'kin at tatak

Dadamihan ko pa ang sapok, suntok sa buwan, paaabutin ko aking mga sapak

Kahit naharangan na ang salot, nasibat, gagawin lahat hanggang ulap masalat

Dahil 'di na 'ko balot ng takot at kaba, pinakapal ng karanasan ang aking balat

Na para bang kalyo, kaya nagawa ko mga plano, utak lang aparato

Dumadayo sa malapit o malayo para boses ko ay madinig ng mga tao

At ginawa kong panggatong mga hamon, kaya nga malabong mawala 'tong ningas ko

Kahit 'di Pasko, asahan mo na palagi na may handa 'to

Sa kahit saan ay makakasabay, sa kahit ano ay makakasakay

Hindi pa tapos itong paglalakbay hangga't kayang sumulat ng mga kamay

At sa mga nakabantay na sumablay, katotohanang magpapa-"aray"

Sa legasiya kong tinataglay, sa 'kin wala nang makakapatay

You're seeing me sending a message

You're not gonna break me, I'm gonna break you