KWKWRRI

Zw too bíndao chiinko

Benbialha lyixe

Káa biá waay

Kwkwrrí nheeba

Káa bdia

Kwkwrrí nheeba

Ka zazá

Welkse llooma ká

Yeeo llaa kaaten lldiá

Kwkwrrí nheba

Kwkwrrí llolbá

Baten lla ke gooxabá

Nhi ke gooksa

Lee wkwetebá

Kwkwrrí nheeba

Bazooba

Kwkwrrí

Bachhonjbá

Nha baa zeyaj

Bíinen

Nha ba daba

Lee yeebá

Baateyoo ka bdiá

Kwkwrrí nheeba

Zeeba too lee yaay

Nha gasiá llaan yaayen

Nha bnaablhabá

Bixhán leeo biine

Billcheen llneo nada

Nha bayechjbá

Llwiabá nada

Llchook yíchjbaa

Nha nheeba kí

Kwkwrrí nhiá

Kwkwrrí yallj

Kwkwrrí llenla

Kwkwrrí cháa

¿Bidan bine?

Biit chaajnhierha

Dan nheo ká

¿nhaa lldiá léeon?

¿Chaa llawerho?

¿Chaa llaayayo?

¿Cháa kaas léeon gaa?

¿Bii zerhaayon?

Kwkwrrí nhiá

Biikze chhéenlo

Kwkwrrí cháa

Nhall wkwerha

Kwkwrrín léeo

Kwkwrrín nhaako

Kwkwrrín rhwé cháa

Nhá bayechjba

Llwiaba nada yetoo

Awa nhiá,

Kwkwrrí lleepa rhwé

Kwkwrrín cháa

Kwkwrrín záa

Kwkwrrín cháa

Káan nhaaken

Káan cháa