Lullay, lullay

Lullay, lullay, lullay, lullay.

As I lay on Yoolis night

alone in my longing

me thought I saw a well fair sight,

a may hir child rokking.

Sing nou moder, said the child,

wat schal to me befall

heerafter wan I cum til eld,

for so doon modres all.

Sweete sune, saide sche,

werofte schuld I sing?

Ne wist I nere yet more of thee

but Gabriel's greeting.

He grett me goodli on his knee

and saide, Hail, Marie!

Hail, full of grace, God is with thee,

thou beren schalt Messie.

Serteynly this sight I say,

this song I herde sing,

als I me lay this yoolis day

alone in my longing.

Lullay, lullay, lullay, lullay.