تبي ورده

تبي وردة!!؟ حبيبي.. ما يهـــمك

أجي بنفسـي وبيديـــني أسلمــــك

تدلل.. قـــــــول.. ما تبغي وآمــر

أنا احسـاسي وصل قبلي وضمك

لأنك مخمــلي.. جوهر وظـــاهر

خصوصي! صعب بالعـالم أعمِّك

تصدّق؟ لا قريت كتــاب! أسـرح؟

أدوّر في حـروفه (رسمة اسمك)

يفكّر فيـــك قلبي قبـل عقـــــلي

ولو مـا قلت لِـك.. عيني تعلمك

ولكن عندي حيره بوصف مشهد

بـحاول افهمــه.. يمــكن أفهمـــك

اذا قــربت وردة منك قــل لــــي!

تشم الورد ؟ ولاّ هـــو يشمــك!؟