Dä Momänt

Ich bin än Vagabund am wandere zwüsched de Wälte

Mängisch nöch am Abgrund, aber gfährlich wirds sälte

Dänn mini Ärdä isch rund und lüchtet i allne Farbe

Jede Tag es neus Abentüür, öpis wage

Alles was mir begegnet es Gschenk

Au wänn ich's nöd immer erkänn

Äs neus Blatt en neue Tag neui Ziel sind da

Verliebt i diä Moment wo so verschiedä sind

Vo höch und tüüf s'lit alles drin

Alles gaht verbi, was no chunt und was isch gsi

Es git nur dä Momänt ja das isch alles was mir händ

Alles gaht verbi, was no chunt und was isch gsi

Es git nur dä Momänt ja das isch alles was mir händ

Ich stuune immer wieder wienes chlises Chind

Mir füheld eus oft allei, obwohl mir verbundä sind

Erläbed s'gliche in unzählige Variatione

Alli hämmer scho gunne und au scho verlorä

D'Versuechig isch gross s'Glück welle festzhebe

Doch je meh dich wehrsch gäg de Fluss vom Läbe

Desto schnäller zerinnts zwüsched de Finger

De Summer vergaht und scho chunt de Winter

Ja alles gaht verbi, was no chunt und was isch gsi

Es git nur dä Momänt ja das isch alles was mir händ

Alles gaht verbi, was no chunt und was isch gsi

Es git nur dä Momänt ja das isch alles was mir händ

Liächt zwüsched de Finger und Liächt überall

Ich flüüge dur d'Welt mit Überschall

Pulsierends Läbä i de Venä

S'git nüt nach dem ich mich sehnä

Ja alles gaht verbi, was no chunt und was isch gsi

Es git nur dä Momänt ja das isch alles was mer händ

Drum fiire mir und trinked hüt uf's Läbe

Lönd eui Augä glänze, will morn isch's vilicht scho verbi

Ja alles gaht verbi, was no chunt und was isch gsi

Es git nur dä Momänt, das isch alles was mer händ

Drum fiire mir und trinked hüt uf's Läbe

Will morn isch's vilicht scho verbi