Viva!

Que vivan os fracasos

que nos fixeron caer

ao máis profundo.

Que viva todo o tempo que tardamos en volver.

Que viva cada fenda

que tivemos que coser

nas nosas almas.

Que vivan ata os erros que puidemos cometer.

Que vivan as mentiras

que tenderon a ponte

que permitiu cruzarmos ate aquí.

Que viva esta enerxía que non para de brotar

deste pequeno e puro manancial.

Que viva toda flor que fai medrar.

Que viva cada día

que miramos adiante

porque atrás xa non presta mirar.

Viva este oasis salvaxe de paz.

Que o mellor aínda está por chegar.

Viva este oasis salvaxe de paz.

Que o mellor aínda está por chegar.

Que vivan as mentiras

que tenderon a ponte.

Que viva cada día

que miramos adiante.

Que vivan as mentiras

que tenderon a ponte.

Que viva cada día

que miramos adiante

sen ver nunca un final.

Viva este oasis salvaxe de paz.

Que o mellor aínda está por chegar.