por te ver

Unha noite por te ver

desatei un animal

e voltou para me morder

quíxeno domesticar

Que pasou aquela noite?

Ai, quen me mandaría?

Ten coidado non escoiten

ou hase saber de día

auga que pr'abaixo corra

pr'arriba non ha volver

eu de noite vou de ronda,

e rondo só por te ver-e

Por te ver ando de noite

búscote e síntome mal

cando te vexo de lonxe

pido unha copa nun bar

nada que impida que peque

anque sei que me fas mal

se eu só devezo por verte

a quen pretendo enganar?

Por te ver por te ver por te ver

por te ver por te ver por te ver

(por ver)

Esa noite por me ver

decidiches amansar

que ti viñas por saber

canto tardo en me cansar

que que que para que?

que para que para que para que para que?

(por verte)