Misfortune (feat. Ether Makes Banger)

Subah ke 5:24 ho rahe hain, aaj tareekh hai 26 March 2025

Toh ab sahi mein farak nahi padta, sach kahun toh

Kyunki tum samjha toh sakte ho,

par saamne wala samajhna hi nahi chahta toh kya faayda?

Afsos ke alawa ab kuch nahi bachta,

Har woh cheez door ho jaati hai,

jisse tum qareeb mehsoos karte ho

Sorry, maafi, aur guilt inn sab ka main kya karun?

Kuch baaton ko agar kehne mein deri ho jaati hai

Toh woh bas reh jaati hai

Doston ke saath cricket khel raha tha ek din,

Achanak uska message aaya,

Pata nahi kya hua kuch samajh nahi aaya,

Aur usne kaha kuch samajhne jaisa tha bhi nahi

Sab kuch toh nahi bol sakta idhar, dikkate ho jaayengi

Mere gaane sunti hai woh abhi bhi

Ajeeb hai na, par aadat ho jaati hai inn sab cheezon ki

Aur regret rahega mujhe hamesha,

Kuch baaton ko ankahi rehne deta hoon

Wahi sahi rahega shayad

Aur usne kaha tha aakhri baar,

Jo bhi hai bata kar khatam kar dete hai

Toh bas wahi kar raha hoon

Bas jaane se pehle itna bolunga ki

Thank you for coming in my life as a misfortune!

Alvida...