El patiu

Cuánto queda pa salir?

Yá trabayé suficiente,

nun soi quien a concentrame, yá toi que muerro de fame.

El patiu y el recréu son la mio salvación,

pueo facer lo que quiera con llibertá espresión.

Cuntamos chismes,secretos

de mayestros o collacios.

Güei Xune traxo los cromos

vamos tener que cambialos.

Aire llimpio y bones vistes

les d'Oles y Tazones

da igual tar n'Argüeru

en Pión, Castiellu o Quintes.

Damos puxu y enerxía'l

bocadiellu de tortiella

y de fruta una mazana

pa eso somos de la villa.

Si quies basket hai canastes

o tamién pues cañicate

fechu en suelu hai un cascayu

o pues xugar a les chapes.

Casi toos prefieren fútbol

que ye lo que más-yos presta

la meyor de toos ye Cloya

ye una máquina esta neña.

Nora cuerre más que l'agua

esta guaḥa ye una bala

si xuegues al pilla-pilla

nun vas ser quien a garrala.

Nel cuida perbién el güertu

pa que mos medren les plantes

nun s'arrime ni un cascoxu

y espoxiguen los tomates.

Y ente pitos y ente flautes

yá hai que ponese en filera

pasa'l tiempu y nun t'enteres

hai que tornar pa la escuela.