My Weapon

Now hear dis you likkle bwoy

A talk bout yuh will shot man

An yuh will do dis and yuh will do dat

Remembah last night wen ya big up your chest

Mi an di house wid a bokkle torch wud a bun dung

Yuh lucky baby bawl out

You do di talking, me do di killing

He-he, phenomenal one

Now look

Seh from yuh see pon di Ninjaman, yuh see seh mi a gun slingah

Phenomenal one

Yuh look pon di face of di Ninjaman, mi seh mi fava Lone Ranger

Dats why mi tell unnu mi seh

My weapon, my weapon

Tell dem Ninjaman nah guh lef mi weapon

Mi tell unnu

My weapon, my weapon

Tell dem Spanglers nah guh lef dem weapon

Dis is sumting weh yuh mus undastan

From me born outta mi modda, reach di age of one

Pity yuh nuh know, mi a sling a M-1

At di age of two, mi kill five police man

Dem say a Starky an Trinity commit dat deh one

A Suh mek Coppah tun di fus wanted man

Wen mi rob di bank an kill a woman

Mi a tell yuh

My weapon, my weapon

Tell dem Ninjaman, mi nah lef my weapon

Suh from yuh see pon di Ninjaman, yuh see seh mi a gun slingah

Look on di face of di Ninjaman, yuh tink seh me a lone ranger

Yuh si di sight a di Ninjaman, yuh betta run guh a yonda

Dats why me tell yuh mi seh

Tell dem nuh lie, tell dem nuh lie

Any bwoy threaten mi, tell me mi will die

Pity dem nuh know, dem going ask mi gun "Why"

Come from di South an a run up him mouth

Mi use Redstripe Beer an lick off him mouth

Tell him fi gwaan back to him gyal out a South

Before mi lick him two front teet dem all bout

Mi tell yuh

My weapon, my weapon

Tell dem Ninjaman a autical bad man

Mi a tell yuh

My weapon, my weapon

Tell di whole a dem seh mi nuh lef mi weapon

Yuh si di M-16, a mi mek dat one

A mi fling it down inna station

Yuh si di big Mac-10, a mi mek dat one

As mi mek it, me guh use it kill a soljah man

Mi tell yuh

Di Gatlin, a mi mek dat one

A mi mek it an cudn't mek di armunition

Mi a tell yuh bout

My weapon, my weapon

Tell yuh Ninjaman have some bran new weapon

Mi a tell yuh bout

My weapon, my weapon

Tell di whole a dem seh mi nuh lef mi weapon

Wen yuh look pon mi right han, dat a mi gun han

From yuh see mi han, it fava living Satan

Yuh know how much man dat deh han kill Jah man

Jus squeeze di chigga a fi mi machine Jah man

An shot dung any blasted one

Yuh know mi kill teef an even kill di damn criminal

An even shot up police an soljah man

Sometime mi mek mistake an kill innocent man

A mi rob di church an kill di pastor man

A doh care a damn, me a autical bad man

Dats why

My weapon, my weapon

Tell di whole a dem mi nah lef my weapon

Mi tell unnu

My weapon, my weapon

Tell di whole a dem mi nah lef mi weapon

Suh from yuh look at di Ninjaman, yuh see seh mi a gun slingah

Look at di face of di Ninjaman, mi seh dat mi a lone ranger

Becaz tell yuh fi tru, tell yuh fi tru

In my days of badness, some ting weh mi do

Mi a tell unnu tell yuh fi tru, tell yuh fi tru

In mi days of badness, some ting weh mi do

Tink a lie yuh betta guh ask Jah Doom

Him a Spanglers, him will tell you

Mi teef mi madda bicycle an di chube now too

An teef out di chube an sell mi bredda fi true

As mi bredda fix up him bicycle too

Mi just teef di bicycle wheel an sell a policeman too

Police man fix up him bicycle, kriss an bran new

Park it a station gate an gone shine him shoe

As him tun him back, mi teef fi him bicycle too

A suh dem get fi know seh dat mi well terrible