Cun voi o madamicella
Ci ferebbi la mio vita
O la mio capelli bionda
In tutti site cumpita
Dund'è vo passate voi
Nascate la calamita.
La dumenica da mane
Piazz'à santa Margherita
Quand'è t'affacave tù ne
Si spannava la mio vita
Tutta tristezza passava
Ogni pena era finita.
Ùn ti ne ricordi più ne
À la funtana di l'onda
Ti parlava pettu pettu
O la mio capelli bionda
À mè mi parie bella
Ancu più chè la gioconda.
A to mamma era cuntraria
À st'amore cusì distintu
È quand'ella mi truvava
Mi dicia: chì tù scià tintu
Fù cusì la mio culomba
Chì lu nostru amore hè spentu.
Fù cusì la mio culomba
Chì lu nostru amore hè spentu.
