Ke Mwen Kontan

Sou kabann mwen, mwen te kouche

Wooo (mwen te kouche poukont mwen)

Avè w mwen t'ap panse, chagren anvayi kè mwen

Mwen santi m kòmanse bouke (wooo bouke rete poukont mwen)

Sa gen lontan lavi m chanje

Depi w'ale byen lwen'm

Se chak jou m'ap sonje yeeeeeehh

Tout sa nou te konn fè a 2 ouuuuuhh

Kounya m'santi m paralize menm nan yon fèt mwen pa ale

Tout sa m'ap fè se ou m sonje

Vinn jwenn mwen

Paka kenbe ankò

Vinn jwenn mwen

Se gout a gout jou yo ap pase

Wooo y'ap pwolonje mizè mwen

Chak inèdtan se yon ane

S'on kouto k'ap dechire kè mwen

Se kounya m'ap reyalize

Ouwo gade soufrans mwen

Gade se lè w pa bò kote m mwen wè valè w tout bon vre

Wi, n'te toujou okipe

Avè w bonè m te asire

Nan sinema n'te konn ale

Ti lanmè nou se pa pale

Si se pou plezi nou pat manke

Vinn jwenn mwen

Paka kenbe ankò

Vinn jwenn mwen

Paka kenbe

Konnen vakans yo ap pwoche

Tout sa m'ap tann se ke w rele

Pou di mwen sa m anvi tande

Se pandan m'tap dezespere

Nan pòt la m'tande y'ap frape

Mwen leve m'al gade, gade pou m wè ki moun sa ye

Lè m ouvri m'wè se ou k' kanpe

An verite, m'panse m'tap reve

Poutan m'wè se vre

M'anvi chante

Kè mwen kontan

M'anvi rele wo ouwo

Pral kraze kay la

Si w wè m kanpe m'ap chante, se kè mwen k' kontan

M'anvi rele wo

M'pral kraze kay la

Kè mwen kontan

Cheri m'ap vini

Pou sa m wè pou nou, aswè netale.com

Kè mwen kontan

M'anvi rele wo ouwo

Pral kraze kay la

Si w wè m kanpe m'ap chante, se kè mwen k' kontan

M'anvi rele wo

M'pral kraze kay la

Kè mwen kontan