Alphorn + Ragete

I ha mis Härz scho paar Mau vrschänkt

U s'isch scho paar Mau proche n'umechoo

Ha gäng ghofft s'sig für immer

Doch äs isch angers usechoo

I bi im Sturzflug abegfloge

Ha niemerem meh trout

U när bisch du ume n'Eggä boge

Ha's sälber fasch nid gloubt

I ghöre numen Alphorn und Trumpetä

Gseh nur no Liächter und Ragete

Du hesch mi zmitzt i d'Mitti tüpft

U mi us däm Loch hie usäglüpft

Äs Orcheschtr mit tuusig Giige

Laa ganzi Füürwärch für di laa stiige

I laa di niä meh la gaa

U möcht di für immer bimer ha

Mit dir wird aus no einisch gstartet

Mit dir geit aues wider ring

Uf di Chance hani ewigs gwartet

U etz mit dir ligt aues drin

Nächtelang düretanze

U tagelang im Bett

Blind über jedi Schanze

Wüu me vous Vertroue het

I ghöre numen Alphorn und Trumpetä

Gseh nur no Liächter und Ragete

Du hesch mi zmitzt i d'Mitti tüpft

U mi us däm Loch hie usäglüpft

Äs Orcheschtr mit tuusig Giige

Laa ganzi Füürwärch für di laa stiige

I laa di niä meh la gaa

U möcht di für immer bimer ha

Du hesch mini Wäut wider zämegflickt

Hesch neui Hoffnig i mir gweckt

Mit dir schiint nüt unmöglech z'si

Und ab hie git's nume di und mi

I ghöre numen Alphorn und Trumpetä

Gseh nur no Liächter und Ragete

Du hesch mi zmitzt i d'Mitti tüpft

U mi us däm Loch hie usäglüpft

Äs Orcheschtr mit tuusig Giige

Laa ganzi Füürwärch für di laa stiige

I laa di niä meh la gaa

U möcht di für immer bimer ha